Bílar

Í 300 á 16,5 sekúndum

Finnur Thorlacius skrifar
Það þykir öflugur bíll sem er 6,8 sekúndur í 100 km hraða, en hinn nýi McLaren P1 kemst á sama tíma í 200 km hraða og það tekur aðeins 16,5 sekúndur að henda honum í 300 km hraða. Frá kyrrstöðu í 100 tekur 2,8 sekúndur.

Það þarf öfluga vél til að skila svona tölum og 916 hestöfl duga í þessu tilviki. Þau streyma úr 3,8 lítra V8 vél sem að auki er með tvær forþjöppur. Þrátt fyrir allt þetta afl eyðir þessu bíll ekki nema 8,3 lítrum í blönduðum akstri. Mengunin mælist 194 g/km af CO2. Bremsur bílsins eru gríðaröflugar og það tekur aðeins 30 metra að stöðva bílinn úr 100 km hraða.

Fyrsti bíllinn þessarar gerðar var afgreiddur  frá McLaren verksmiðjunni í Woking í Bretlandi fyrir stuttu og var kaupandinn breskur. Til stendur að framleiða aðeins 375 McLaren P1 bíla og aðeins einn á dag kemur útúr verksmiðjunni í Woking. Því mun það taka rúmt ár að framleiða þessa bíla. 

Mest lesið




×

Mest lesið