Amma glæpon í sjónvarpið

Bókin Amma glæpon eftir David Walliams trónir efst á lista yfir þýddar barnabækur, hefur selst eins og heitar lummur að sögn Jónasar Sigurgeirssonar hjá Bókafélaginu: 6.000 eintök hafa selst og er uppseld hjá útgefanda.

Hróður David Walliams, sem einkum er kunnur hér á landi fyrir grínþættina Little Britain, fer víða þessa dagana, en barnabækur hans eru nú með allra vinsælustu bókum víða um heim. Þá mun BBC One sýna á annan í jólum, sjónvarpsmynd, sem það framleiðir, eftir sögunni um Ömmu glæpon. Landslið Breta í gamanleik mun leika í myndinni, en þetta er skrautfjöður BBC þetta árið – svona eins og Skaupið er hjá Ríkissjónvarpinu.

Þá hefur vakið athygli að stórsöngvarinn Robbie Williams mun leika stórt hlutverk í myndinni ásamt David Walliams sjálfum. Búist er við því að milljónir Breta muni setjast fyrir framan sjónvarpsskjáinn til að horfa á myndina.