Torfærubjalla Finnur Thorlacius skrifar 15. janúar 2014 13:15 Núverandi bjalla frá Volkswagen er ekki þekktust fyrir það að höndla torfærari vegi eins vel og bjallan hér á árum áður gerði. Gamla bjallan var ári seig í glímunni við ófærð af ýmsum toga og það vilja Volkswagen menn nú færa nýju bjöllunni líka, með breyttri og nýrri útgáfu. Á bílasýningunni sem var að opna í Detroit sýnir Volkswagen nú einskonar torfærubjöllu, en bíllinn hefur fengið viðurnefnið VW Beetle Dune Concept og er tilraunabíll enn sem komið er. Þessi nýja útfærsla bjöllunnar er með 5 cm meiri veghæð en hefðbundin bjalla og skartar sömu vél og er í Turbo-útgáfu bjöllunnar sem er 210 hestöfl. Hjólaskálar bílsins eru stærri og svartir brettakantarnir einkenna þennan bíl líkt og marga aðra bíla sem færir eiga vera um að glíma við ófærur. Framendinn er nokkuð breyttur og álvarnarplatan að framan gerir hann enn sennilegri til átaka. Að aftan er bíllinn með sniðugar festingar fyrir skíði og snjóbretti, en þær falla inní vindskeiðina að aftan. Bíllinn er sjálfskiptur og með tvöfalda kúplingu og stendur á fallegum 19 tommu felgum. Eins og þeir sem vel þekkja til bjöllunnar muna er þetta ekki í fyrsta skipti sem Volkswagen kynnir háfættari bjöllu, en það gerði fyrirtækið einnig árið 2000 og kallaðist hún líka Dune. Sú bjalla fór aldrei í framleiðslu, en vonandi verða það ekki einnig örlög þessarar fallegu útgáfu. Sniðugar skíðafestingar að aftan. Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Tókst ekki að sanna að Brim bæri ábyrgð á dauða sonar þeirra Innlent Norðmenn uggandi vegna mögulegra viðbragða Trump Erlent Bein útsending: Hver hlýtur friðarverðlaun Nóbels? Erlent Gummi reiður: „Kominn tími til að þeir sem ráða opni augun" Innlent Venesúelskur stjórnarandstæðingur hlaut friðarverðlaun Nóbels Erlent Annar andstæðingur Trumps ákærður Erlent Vopnahlé tekur gildi Erlent Taívanir vilja reisa varnarhjúp gegn Kína Erlent Harðar árásir á Kænugarð í nótt Erlent
Núverandi bjalla frá Volkswagen er ekki þekktust fyrir það að höndla torfærari vegi eins vel og bjallan hér á árum áður gerði. Gamla bjallan var ári seig í glímunni við ófærð af ýmsum toga og það vilja Volkswagen menn nú færa nýju bjöllunni líka, með breyttri og nýrri útgáfu. Á bílasýningunni sem var að opna í Detroit sýnir Volkswagen nú einskonar torfærubjöllu, en bíllinn hefur fengið viðurnefnið VW Beetle Dune Concept og er tilraunabíll enn sem komið er. Þessi nýja útfærsla bjöllunnar er með 5 cm meiri veghæð en hefðbundin bjalla og skartar sömu vél og er í Turbo-útgáfu bjöllunnar sem er 210 hestöfl. Hjólaskálar bílsins eru stærri og svartir brettakantarnir einkenna þennan bíl líkt og marga aðra bíla sem færir eiga vera um að glíma við ófærur. Framendinn er nokkuð breyttur og álvarnarplatan að framan gerir hann enn sennilegri til átaka. Að aftan er bíllinn með sniðugar festingar fyrir skíði og snjóbretti, en þær falla inní vindskeiðina að aftan. Bíllinn er sjálfskiptur og með tvöfalda kúplingu og stendur á fallegum 19 tommu felgum. Eins og þeir sem vel þekkja til bjöllunnar muna er þetta ekki í fyrsta skipti sem Volkswagen kynnir háfættari bjöllu, en það gerði fyrirtækið einnig árið 2000 og kallaðist hún líka Dune. Sú bjalla fór aldrei í framleiðslu, en vonandi verða það ekki einnig örlög þessarar fallegu útgáfu. Sniðugar skíðafestingar að aftan.
Mest lesið Ætlaði ekki að trúa því að sonurinn hefði sjálfur staðið upp úr bílnum Innlent Tókst ekki að sanna að Brim bæri ábyrgð á dauða sonar þeirra Innlent Norðmenn uggandi vegna mögulegra viðbragða Trump Erlent Bein útsending: Hver hlýtur friðarverðlaun Nóbels? Erlent Gummi reiður: „Kominn tími til að þeir sem ráða opni augun" Innlent Venesúelskur stjórnarandstæðingur hlaut friðarverðlaun Nóbels Erlent Annar andstæðingur Trumps ákærður Erlent Vopnahlé tekur gildi Erlent Taívanir vilja reisa varnarhjúp gegn Kína Erlent Harðar árásir á Kænugarð í nótt Erlent