Madonna og Miley syngja dúett

Poppstjörnurnar Miley Cyrus og Madonna koma til með að sameina krafta sína í nýjasta þætti MTV Unplugged, sem sýndur verður í kvöld.

Miley Cyrus verður aðalnúmer þáttarins, en síðan kemur Madonna á svið og klárar þáttinn með hinni tuttugu og eins árs gömlu söngkonu.

Líklegt þykir að Miley taki lög af nýju plötu sinni, Bangerz, en óvissa ríkir um hvaða lag eða lög Madonna og Miley koma til með að syngja saman.

Það verður spennandi að fylgjast með þættinum í kvöld, sem verður sýndur á MTV.