Stangveiðin hófst í gær

Stangveiðitímabilið hófst í gær í nokkrum vötnum og ám á landinu en eins og búist var við var heldur rólegt með einhverjum undantekningum þó.

Fjölmenni er venjulega við Vífilstaðavatn og þannig var það í gær.  Aflabrögðin voru heldur rýr en við vitum þó af ungum veiðimenni með eina bleikju og annar veiðimaður sem var við norðurbakkann sem fékk þrjár.   Í Varmá var nokkuð líf á helstu stöðum en þar kom 5 punda bleikja fyrst á land ásamt nokkrum birtingum.  Tungulækur gaf 91 sjóbirting samkvæmt Vötn og Veiði sem er feiknagott, eins komu 13 á land í Tungufljóti.  Fyrir norðan er fátt að frétta enda ís á svo til öllum vötnum og ám sem opnuðu fyrir veiði í gær, það er helst að fá fréttir úr Litluá í Keldum en ekki náðist í veiðimenn sem voru þar við opnun.  það er vonandi ávísun á að veiðin sé góð.