Neil Young tekur upp í beinni

Tónlistarmennirnir  Neil Young og Jack White brugðu á skemmtilegan leik í The Tonight Show hjá Jimmy Fallon í gærkvöld, þegar þeir tóku upp lag, sem rataði beint inn á hljómplötu.

Þeir höfðu í fórum sínum gamlan upptökuklefa úr stúdíói Whites í Nashville. Nýjasta plata Youngs, A Letter Home var tekin upp í sama klefa í hljóðveri Whites.

Þeir félagar sýndu áhorfendum hvernig upptökuklefinn virkari og hvernig hvernig upptökurnar fara fram. Young tók lagið Crazy eftir Willie Nelson en fyrr á árinu gaf Young út plötuna, A Letter Home, þar sem hann tekur þekkt lög annarra listamanna og setur í nýjan búning. Á plötunni er að finna lög eftir listamenn á borð við Bob Dylan, Bruce Springsteen, The Everly Brothers og marga fleiri.