Sofnaði út frá sjóðandi eggjum

Lögreglunni í Vestmannaeyjum barst tilkynning um logandi eld í potti aðfaranótt laugardags. Húsráðandi hafði verið að sjóða egg en hann hafði síðan sofnað út frá eldamennskunni.

Nágranni mannsins varð var við brunalykt og vakti húsráðandann sem náði að slökkva eldinn. Honum varð ekki meint af og þegar lögregla og slökkvilið mættu á staðinn var búið að slökkva eldinn.

Síðasta vika í Vestmannaeyjum var öðru leyti mestu verið róleg að því er fram kemur í tilkynningu frá lögreglunni. Skemmtanahald Eurovision- helgarinnar fór fram með ágætum og ekki var mikið um útköll á öldurhúsum. Að vanda var þó nokkuð um að fólk kvartaði yfir hávaða frá heimahúsum.