TF-SIF ekki til taks vegna gossins

Flugvél Landhelgisgæslunnar, TF-SIF er samkvæmt heimildum fréttastofu flogin til Grænlands í verkefni en ekki hafa fengist upplýsingar um hvers eðlis verkefnið er.

TF-SIF hefur undanfarna daga flogið með vísindamenn yfir eldgosið í Holuhrauni, en vélin er búin ratsjám sem geta kortlagt yfirborð gosstöðvanna.

Vélin gerir vísindamönnum kleift að fylgjast með breytingum á yfirborði jökulsins og hraunflæði óháð skýjafari og birtu.

Almannavarnir hafa því leigt aðra vél frá Mýflugi sem tekur við verkefnum TF-SIF en sú vél er í eigu Isavia og var á árum áður flugvél Flugmálastjórnar. Sú vél hefur ekki eins fullkomin tæknibúnað og TF-SIF.

Búnaður TF-SIF getur einnig kortlagt breytingar á mannvirkjum, svo sem vegum, brúm og rafmagnslínum sem hugsanlega geta orðið fyrir skemmdum vegna flóða.

Þá gerir vélin vísindamönnum unnt að fylgjast grannt með dreifingu og hæð öskustróks. Flugvélin er einnig búin hitamyndavél sem gagnast við að meta ástandið á svæðinu og þróun mála.