Selur Audi fleiri bíla en BMW í ár?

Svo litlu munar á þýsku bílaframleiðendunum Audi og BMW í sölu þar sem af er ári að svo gæti farið að Audi velti BMW af stallinum stærsti lúxusbílaframleiðandinn áður en árið er liðið. BMW hefur selt 1,02 milljónir bíla á fyrstu 7 mánuðum ársins en Audi 1.01 milljónir bíla. Það munar því aðeins um 10.000 bílum.

Mercedes Benz er svo nokkru á eftir hinum tveimur þýsku framleiðendunum með 0,91 milljón bíla selda. Forstjóri Audi segir að fyrirtækið ætli að selja 1,7 milljón bíla í ár og hefur fyrirtækið aldrei selt svo marga bíla á ári. Tilkoma nýs Audi TT á næstunni mun ennfremur hressa upp á góða sölu Audi og væntir hann mikils af þeim bíl.

Vel hefur gengið í sölu Audi bíla á flestum mörkuðum, nema í Rússlandi, en þar gengur reyndar fæstum illa sem stendur. Sala Audi í ágúst var mjög góð en nákvæmar tölur liggja ekki fyrir enn. Sérstaklega gekk vel að selja í Bandaríkjunum og Kína. Endurnýjun á stærri bílum Audi stendur fyrir dyrum, þ.e. á bílunum A5, A6, A7 og A8 og munu einhverjir þeirra koma á markað á næsta ári.