Nýtt par

Fjölmiðlakonan og fegurðardísin Marín Manda Magnúsdóttir er samkvæmt heimildum Fréttablaðsins komin með nýjan kærasta en sá ber nafnið Arnar Gunnlaugsson.

Arnar er líklega best þekktur sem knattspyrnumaður, var atvinnumaður erlendis í fjölda ára og á að baki fjölda landsleikja. Hann hefur síðastliðin ár verið mikill athafnamaður.

Marín Manda er nú búsett í Kaupmannahöfn en hún flutti þangað fyrir skömmu eftir að hafa starfað sem blaðakona á Fróni. Hún er þó vel kunnug Kaupmannahöfn því hún bjó þar um nokkurt skeið á árum áður.