Hægari og drungalegri útgáfa af lagi Ásgeirs Trausta

Tónlistarmaðurinn Dominic „Dot“ Major, sem er hvað þekktastur úr raftónlistartríóinu London Grammar, er búinn að endurhljóðblanda lag Ásgeirs Trausta, King and Cross, sem heitir á íslensku Leyndarmál.

Útgáfa Dot Major er talsvert hægari en sú upprunalega og drungalegri eins og heyra má hér fyrir neðan. 

Ásamt Dot í hljómsveitinni London Grammar eru Hannah Reid og Dan Rothman. Sveitin gaf út sína fyrstu plötu, If You Wait, á síðasta ári sem hefur vakið gríðarlega lukku. Tískurisinn Dior notaði til að mynda lag sveitarinnar, Hey Now (J'adore Dior Remix by The Shoes) í auglýsingaherferð fyrir ilminn J'Adore í síðasta mánuði en stjarna herferðarinnar er leikkonan Charlize Theron.