Gaman hjá Ken Block

Ken Block er einn af þekktari ökumönnum heims og til eru mörg og skemmtileg myndbönd af faglegum en djörfum akstri hans við ýmsar fáránlegu aðstæður. Þær aðstæður sem hann glímir við hér eru honum líklega fremur framandi, í gríðarmiklum snjó.

Fararskjóti hans er þó afar viðeigandi, þ.e. Ford F-150 RaptorTrax sem búinn er beltum í stað dekkja. Þessi bíll er með krafta í kögglum til að ösla snjóinn með sína 6,2 lítra V8 vél með öflugum keflablásara og auk þess er slaglengd fjöðrunarinnar mjög löng sem gerir honum fært að fara hratt yfir ójöfnur.

Ken Block er þarna staddur við skíðasvæðið Nolan í bresku Columbíu og víst er að Ken og brettafélagar hans þurfa ekki að nýta sér skíðalyfturnar í Nolan vegna drifgetu bílsins. Aftan í bílnum eru 2 Recaro sportsæti sem snúa öfugt svo farþegar geti nú enn frekar notið ferðarinnar í þessu magnaða ökutæki. Þó er náttúrulega skemmtilæegast að láta bílinn draga sig, rétt eins og brettamennirnir tveir gera.