Réttarhöld vegna Blurred Lines

Dómari í Bandaríkjunum hefur skipað að réttarhöld fari fram vegna lagsins Blurred Lines. Höfundar lagsins, Robin Thicke og Pharrell Williams, eru sakaðir um að hafa stolið laglínum úr laginu Got to Give It Up með Marvin Gaye. Blurred Lines var eitt vinsælasta lag seinasta árs.

Dómarinn hafnaði frávísunarkröfu Thicke og Williams og sagði að kviðdómur yrði nú að skera úr um líkindi laganna.

Fjölskyla Gayes höfðaði málið en réttarhöldin hefjast þann 10. febrúar í Los Angeles.