Öflugri BMW i8 yfir 500 hestöflin Finnur Thorlacius skrifar 4. nóvember 2014 13:45 BMW i8 tvinnbíllinn fær brátt öskrandi afl. Tvinnbíllinn BMW i8 er 357 hestöfl og ári sprækur bíll sem fer sprettinn í hundraðið á 4,1 sekúndu. Engu að síður ætlar BMW að hefja framleiðslu á BMW i8S útgáfu bílsins sem verður langt yfir 500 hestöfl. Líklega verða framleiddar tvær gerðir, önnur með 320 hestafla brunavél og 204 hestafla rafmótorum, eða samtals 524 hestöfl. Hin gerðin væri þó öflugri, með 480 hestafla brunavél og 109 hestafla rafmótorum, eða samtals 589 hestöfl. Þessar gerðir i8 færu nær því að skreppa að hundrað kílómetra hraða á 3 sekúndum, enda myndu þeir fá breiðari dekk og undirvagn úr koltrefjum. Með þessum gerðum er i8 orðinn ógnarkröftugur sportbíll enda er útlit hans í þá veruna. BMW hyggst hrinda þessu í framkvæmd í tilefni 100 ára afmæli fyrirtækisins árið 2016 og koma þessar gerðir i8 á markað á því ári. Það er ekki M-deild BMW sem sjá mun um þessar breytingar, heldur er það i-deild BMW sem hefur með smíði rafmagnsbíla og tvinnbíla BMW að gera. Eitthvað hefur þetta örugglega líka að gera með það að yfirmaður þeirrar deildar er fyrrum starfsmaður Ferrari. Mest lesið Valtýr furðar sig á óhróðri, níði og aðdróttunum systkina Innlent Sendir Svein Andra í mál við ríkið Innlent Fagnar miklum fjölda áskorana og liggur undir feldi Innlent Gögn sem fyrst voru ekki til brunnu síðar Innlent Bergþór dregur framboðið til baka Innlent Kourani fluttur á Klepp Innlent „Þetta er pólitísk vakning“ Innlent Mætti með hníf í sund og var vísað út Innlent Frambjóðendum fækkar og kínverskir bílar njósna um Norðurlandabúa Innlent Átján saknað eftir harmleikinn í Tennessee Erlent
Tvinnbíllinn BMW i8 er 357 hestöfl og ári sprækur bíll sem fer sprettinn í hundraðið á 4,1 sekúndu. Engu að síður ætlar BMW að hefja framleiðslu á BMW i8S útgáfu bílsins sem verður langt yfir 500 hestöfl. Líklega verða framleiddar tvær gerðir, önnur með 320 hestafla brunavél og 204 hestafla rafmótorum, eða samtals 524 hestöfl. Hin gerðin væri þó öflugri, með 480 hestafla brunavél og 109 hestafla rafmótorum, eða samtals 589 hestöfl. Þessar gerðir i8 færu nær því að skreppa að hundrað kílómetra hraða á 3 sekúndum, enda myndu þeir fá breiðari dekk og undirvagn úr koltrefjum. Með þessum gerðum er i8 orðinn ógnarkröftugur sportbíll enda er útlit hans í þá veruna. BMW hyggst hrinda þessu í framkvæmd í tilefni 100 ára afmæli fyrirtækisins árið 2016 og koma þessar gerðir i8 á markað á því ári. Það er ekki M-deild BMW sem sjá mun um þessar breytingar, heldur er það i-deild BMW sem hefur með smíði rafmagnsbíla og tvinnbíla BMW að gera. Eitthvað hefur þetta örugglega líka að gera með það að yfirmaður þeirrar deildar er fyrrum starfsmaður Ferrari.
Mest lesið Valtýr furðar sig á óhróðri, níði og aðdróttunum systkina Innlent Sendir Svein Andra í mál við ríkið Innlent Fagnar miklum fjölda áskorana og liggur undir feldi Innlent Gögn sem fyrst voru ekki til brunnu síðar Innlent Bergþór dregur framboðið til baka Innlent Kourani fluttur á Klepp Innlent „Þetta er pólitísk vakning“ Innlent Mætti með hníf í sund og var vísað út Innlent Frambjóðendum fækkar og kínverskir bílar njósna um Norðurlandabúa Innlent Átján saknað eftir harmleikinn í Tennessee Erlent