Strunsaði burt af sviðinu

Tónlistarmaðurinn Eric Clapton strunsaði af sviðinu í miðju lagi þegar hann kom fram á tónleikum í Glasgow um helgina. Ástæðan fyrir strunsi Clapton ku vera sú að tæknin hafi verið að stríða honum á tónleikunum.

Í miðlum erlendis er sagt frá að Clapton hafi verið í miðju lagi, nánar tiltekið laginu Cocaine, þegar hann yfirgaf sviðið.

Áhorfendur voru mjög reiðir og sárir út í gítargoðsögnina en Clapton sendi frá sér afsökunarbeiðni á samskiptamiðlum fljótlega eftir tónleikana. Þar tjáði hann sig meðal annars um að hljóðkerfið hefði brugðist og að tæknilegar erfiðleikar hefðu valdið því að ekki hefði verið hægt að klára tónleikana.