Virkni í og við Bárðarbungu er svipuð og verið hefur. Um 45 skjálftar hafa mælst þar síðasta sólarhringinn.
Tveir þeirra voru í stærri kantinum, um 4,5 að stærð. Annar þeirra varð í morgun rétt fyrir klukkan 8 og hefur sáralítil virkni verið eftir hann.
Í grennd við Bárðarbungu er svo nokkuð um smærri skjálfta, það er í Tungnafellsjökli, Herðubreiðartögl og í norðurhluta kvikugangsins undir Dyngjujökli.

