Nissan Qashqai öruggasti fjölskyldubíllinn í sínum flokki

Sportjeppinn Nissan Qashqai er öruggasti fjölskyldubíllinn sem neytendur hafa úr að velja í flokki minni fjölskyldubíla að mati EuroNCAP, samtaka bíleigenda í Evrópu.

Sérfræðingar samtakanna framkvæma reglulega margháttaðar árekstursprófanir á öllum nýjum bílum sem seldir eru í álfunni og meta öryggi þeirra á ýmsar hátt. Á árinu skoraði Qashqai flest stig allra bíla sem prófaðir voru í þessum flokki og hlaut enginn annar bíll jafn mörg stig.

Niðurstöðurnar eru enn ein fjöðrin í hatt Nissan á árinu því áður hafa X-Trail og Pulsar fengið fullt hús stiga hjá EuroNCAP fyrir mikið öryggi. Í prófunum á Qashqai var sérstaklega tekið til framúrskarandi öryggis farþega, bæði barna og fullorðinna, auk þess sem ný öryggistækni Nissan sem kölluð er „Nissan Safety Shield“ – eða öryggishjúpur Nissan, þykir einstök nýjung. 



Hún byggir á 360° myndavélatækni sem tekur við skilaboðum frá myndavélum á öllum hliðum bílsins og miðlar þeim til 8 mismunandi öryggiskerfa sem vakta umhverfi bílsins með tilliti til aðsteðjandi hættu. Þessi nýja tækni Nissan veitir framúrskarandi alhliða gæði með tilliti til öryggis að mati EuroNCAP.