Koenigsegg Regera er öflugasti bíll heims

Sænski bílasmiðurinn Koenigsegg heldur áfram að framleiða mögnuðustu sportbíla heims og sá næsti í röðinni er Koenigsegg Regera sem kynntur verður á bílasýningunni í Genf.

Christian von Keonigsegg segir að þessi bíll verði langöflugasti framleiðslubíll heims og að enginn komist nálægt honum, þó helst aðrir Koenigsegg bílar!

Regera verður bæði með öfluga brunavél og svakalega rafmótora og er því tvinnbíll eins og flestir öflugustu sportbílar heims nú. Rafmótorarnir einir munu vera 700 hestöfl en til samanburðar eru rafmótorarnir í Porsche 918 "einungis" 279 hestöfl.

Koenigsegg toppar sig ávallt með hverjum nýjum bíl og sá síðasti var One:1, en sá bíll er 1.341 hestafl og 1.341 kíló. Þessi nýi Regera mun líklega bæta við þetta ógnarafl. Vélin og rafmótorarnir munu ekki þurfa að drattast með mikla þyngd þar sem bílinn er að mestu leiti smíðaður úr koltrefjum.