Damien Rice heldur tvenna tónleika hér á landi

Írski tónlistarmaðurinn Damien Rice mun halda tvenna tónleika hér á landi í maí.

Þeir fyrri fara fram á stóra sviði Þjóðleikhússins þriðjudaginn 19. maí en þeir síðari í Gamla Bíó mánudaginn 25. maí.

Rice er sannkallaður Íslandsvinur en hann hefur undanfarin áratug spilað reglulega hér á landi. Þar má nefna tónleika á Bræðslunni og Nasa árið 2008.

Í fyrra kom út þriðja plata Írans og ber hún heitið My Favorite Faded Fantasy. Platan var að miklu leiti tekin upp og hljóðblönduð hér á landi.

Miðasala á tónleikana hefst klukkan 09.00 fimmtudaginn 12. mars á Miði.is.