Bandarískir ferðamenn blása af Íslandsferð vegna verkfalla ingvar haraldsson skrifar 21. maí 2015 11:39 Steinar Þór Sveinsson leiðsögumaður segist sjá fram á talsvert tekjutap eftir að hópurinn hætti við ferðina. vísir/vilhelm Níutíu manna hópur Bandaríkjamanna sem ætlaði að kom til landsins í næstu viku er hættur við komu til landsins vegna yfirvofandi verkfalla. „Þetta er mjög bagalegt,“ segir Steinar Þór Sveinsson leiðsögumaður sem hefur aðstoðað hópinn við skipulagningu ferðarinnar og átti að vinna fyrir hann í næstu viku. „Þarna er fyrirtæki sem búið er að hafði augastað á þessu landi og búið að vekja athygli þessa níutíu manna hóps og fólk orðið spennt og mikill kostnaður kominn á batteríið nú þegar,“ segir Steinar. Fyrstu aðilarnir í hópnum hafi ætlað að koma til landsins í á mánudaginn næstkomandi að sögn Steinars. Búið hafi verið að skipuleggja dagskrá frá miðvikudegi til föstudags, 27. til 29. maí en þá hefjast víðtæk verkföll hér á landi. Félagsmenn Starfsgreinasambandsins auk starfsmanna hópbifreiðafyrirtækja fara í verkfall 28. og 29. maí. Þá skellur á verkfall hjá hótelum, gisti- og baðstöðum 30. til 31. maí auk þess að verkfall verður í flugafgreiðslu 31. maí til 1. júní.Ferðamenninrir ætluðu meðal annars að funda í Hörpu. Þá áttu þeir pöntuð borð á fjölmörgum dýrum veitingastöðum.vísir/vilhelmMargir sem sjá fram á mikið tekjutap Steinar segir að gera hafi átt vel við ferðamennina sem væru fremur efnaðir. Hópurinn hafi ætlað að fara með rútum Gullna hringinn og að skoða Svartsengi. Þá hafi hópurinn átt pöntuð borð á dýrum veitingastöðum auk þess að funda hafi átt í Hörpu. Þeir aðilar sem Bandaríkjamennirnir hafi átt bókað hjá sjá nú fram á talsvert tekjutap vegna þessa. Að sögn Steinars hætti hópurinn við þar sem ekki hafi verið hægt að bjóða ferðamönnunum upp á þá óvissu sem fylgt geti verkföllum. Óljóst var hvort þau kæmust milli staða með rútum innanlands auk þess að allt stefnir í að flugsamgöngur fari úr skorðum frá 31. maí. Steinar bætir við að hann hafi heyrt í fleiri aðilum innan ferðaþjónustunnar sem væru farnir að fá afbókanir vegna verkfalla.Renato segir að ferðamenn gætu orðið fastir víðs vegar um Ísland þegar verkfall hjá rútufyrirtækjum skellur á í næstu viku.Ferðamenn gætu orðið fastir um allt land Renato Grünenfelder, framkvæmdastjóri Ferðaskrifstofu Guðmundar Jónassonar, segir aðila innan ferðaþjónustunnar afar áhyggjufulla yfir stöðunni. Renato segir alveg óljóst hvernig staða ferðamenna verði sem verða hér á landi þegar verkfall rútubílstjóra skellur á næstkomandi fimmtudag. Ferðamenn, sérstaklega þeir sem ferðast í stórum hópum, gætu þá orðið fastir víðs vegar um landið og þá er alveg óljóst hvaða þjónustu hótel geti boðið upp á meðan verkfall annarra stétta standi yfir. Ferðamenn séu þó oft hálfpartinn þvingaðir að koma til landsins. Þeir séu yfirleitt búnir að greiða fyrir flug, hótel og ferðir innanlands sem fást ekki endurgreiddar. „Þetta eru dýrar ferðir sem kosta mörg hundruð þúsund krónur á mann,“ segir Renato.Ef verkfall skellur á við flugafgreiðslu gætu ferðir mörg þúsund innlendra og erlendra ferðamenna riðlast.vísir/gvaRenato bætir við að fyrirtækið sé að velta fyrir sér hvort ekki eigi að vara þá sem eiga pantaðar ferðir hjá fyrirtækinu við mögulegu verkfalli því þeir vilji alls ekki að upplifun ferðamanna af Íslandi líði fyrir verkföll. „En við viljum samt ekki hræða fólk að óþörfu,“ bætir Renato við og brýnir fyrir aðilum vinnumarkaðarins að leysa kjaradeiluna áður en verkföll skella á.Ferðir Íslendinga erlendis einnig í hættu Þá segir Renato einnig sá fram á mikinn skaða vegna ferða sem búið sé að skipuleggja fyrir Íslendinga erlendis verði ekki hægt fljúga frá Íslandi þegar verkfall í flugafgreiðslu skellur á. „Við erum búin að borga hótel fyrir okkar íslensku hópa og við fáum þann pening ekki til baka ef flugvellir á Íslandi loka. Hótelum í Þýskalandi, Spáni og Bretlandi er alveg sama svo við töpum þessum peningum. Svo skaðinn af verkfallinu fyrir þriðja aðila er afar mikill.“ Verkfall 2016 Mest lesið Fékk ekki að lækka afborganir því hún komst ekki í gegnum greiðslumat Neytendur Hagnaður minnkar um 38 prósent og arðgreiðsla óákveðin Viðskipti innlent Evrópa verði upp á Kína komin verði af tollunum Viðskipti innlent Gengi Novo Nordisk steypist niður Viðskipti erlent Vara við eggjum í kleinuhringjum Neytendur Áróður erlendra vogunarsjóða tekinn á næsta stig Viðskipti innlent Sigurður viðskiptastjóri innviðalausna hjá Ofar Viðskipti innlent Á ég að greiða inn á lánið eða spara? Viðskipti innlent Erfitt að vera mikið einn í vinnu og án mikilla samskipta Atvinnulíf „Ekki mistök“ að brauð með engu kostaði tvö þúsund krónur Neytendur Fleiri fréttir Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Sjá meira
Níutíu manna hópur Bandaríkjamanna sem ætlaði að kom til landsins í næstu viku er hættur við komu til landsins vegna yfirvofandi verkfalla. „Þetta er mjög bagalegt,“ segir Steinar Þór Sveinsson leiðsögumaður sem hefur aðstoðað hópinn við skipulagningu ferðarinnar og átti að vinna fyrir hann í næstu viku. „Þarna er fyrirtæki sem búið er að hafði augastað á þessu landi og búið að vekja athygli þessa níutíu manna hóps og fólk orðið spennt og mikill kostnaður kominn á batteríið nú þegar,“ segir Steinar. Fyrstu aðilarnir í hópnum hafi ætlað að koma til landsins í á mánudaginn næstkomandi að sögn Steinars. Búið hafi verið að skipuleggja dagskrá frá miðvikudegi til föstudags, 27. til 29. maí en þá hefjast víðtæk verkföll hér á landi. Félagsmenn Starfsgreinasambandsins auk starfsmanna hópbifreiðafyrirtækja fara í verkfall 28. og 29. maí. Þá skellur á verkfall hjá hótelum, gisti- og baðstöðum 30. til 31. maí auk þess að verkfall verður í flugafgreiðslu 31. maí til 1. júní.Ferðamenninrir ætluðu meðal annars að funda í Hörpu. Þá áttu þeir pöntuð borð á fjölmörgum dýrum veitingastöðum.vísir/vilhelmMargir sem sjá fram á mikið tekjutap Steinar segir að gera hafi átt vel við ferðamennina sem væru fremur efnaðir. Hópurinn hafi ætlað að fara með rútum Gullna hringinn og að skoða Svartsengi. Þá hafi hópurinn átt pöntuð borð á dýrum veitingastöðum auk þess að funda hafi átt í Hörpu. Þeir aðilar sem Bandaríkjamennirnir hafi átt bókað hjá sjá nú fram á talsvert tekjutap vegna þessa. Að sögn Steinars hætti hópurinn við þar sem ekki hafi verið hægt að bjóða ferðamönnunum upp á þá óvissu sem fylgt geti verkföllum. Óljóst var hvort þau kæmust milli staða með rútum innanlands auk þess að allt stefnir í að flugsamgöngur fari úr skorðum frá 31. maí. Steinar bætir við að hann hafi heyrt í fleiri aðilum innan ferðaþjónustunnar sem væru farnir að fá afbókanir vegna verkfalla.Renato segir að ferðamenn gætu orðið fastir víðs vegar um Ísland þegar verkfall hjá rútufyrirtækjum skellur á í næstu viku.Ferðamenn gætu orðið fastir um allt land Renato Grünenfelder, framkvæmdastjóri Ferðaskrifstofu Guðmundar Jónassonar, segir aðila innan ferðaþjónustunnar afar áhyggjufulla yfir stöðunni. Renato segir alveg óljóst hvernig staða ferðamenna verði sem verða hér á landi þegar verkfall rútubílstjóra skellur á næstkomandi fimmtudag. Ferðamenn, sérstaklega þeir sem ferðast í stórum hópum, gætu þá orðið fastir víðs vegar um landið og þá er alveg óljóst hvaða þjónustu hótel geti boðið upp á meðan verkfall annarra stétta standi yfir. Ferðamenn séu þó oft hálfpartinn þvingaðir að koma til landsins. Þeir séu yfirleitt búnir að greiða fyrir flug, hótel og ferðir innanlands sem fást ekki endurgreiddar. „Þetta eru dýrar ferðir sem kosta mörg hundruð þúsund krónur á mann,“ segir Renato.Ef verkfall skellur á við flugafgreiðslu gætu ferðir mörg þúsund innlendra og erlendra ferðamenna riðlast.vísir/gvaRenato bætir við að fyrirtækið sé að velta fyrir sér hvort ekki eigi að vara þá sem eiga pantaðar ferðir hjá fyrirtækinu við mögulegu verkfalli því þeir vilji alls ekki að upplifun ferðamanna af Íslandi líði fyrir verkföll. „En við viljum samt ekki hræða fólk að óþörfu,“ bætir Renato við og brýnir fyrir aðilum vinnumarkaðarins að leysa kjaradeiluna áður en verkföll skella á.Ferðir Íslendinga erlendis einnig í hættu Þá segir Renato einnig sá fram á mikinn skaða vegna ferða sem búið sé að skipuleggja fyrir Íslendinga erlendis verði ekki hægt fljúga frá Íslandi þegar verkfall í flugafgreiðslu skellur á. „Við erum búin að borga hótel fyrir okkar íslensku hópa og við fáum þann pening ekki til baka ef flugvellir á Íslandi loka. Hótelum í Þýskalandi, Spáni og Bretlandi er alveg sama svo við töpum þessum peningum. Svo skaðinn af verkfallinu fyrir þriðja aðila er afar mikill.“
Verkfall 2016 Mest lesið Fékk ekki að lækka afborganir því hún komst ekki í gegnum greiðslumat Neytendur Hagnaður minnkar um 38 prósent og arðgreiðsla óákveðin Viðskipti innlent Evrópa verði upp á Kína komin verði af tollunum Viðskipti innlent Gengi Novo Nordisk steypist niður Viðskipti erlent Vara við eggjum í kleinuhringjum Neytendur Áróður erlendra vogunarsjóða tekinn á næsta stig Viðskipti innlent Sigurður viðskiptastjóri innviðalausna hjá Ofar Viðskipti innlent Á ég að greiða inn á lánið eða spara? Viðskipti innlent Erfitt að vera mikið einn í vinnu og án mikilla samskipta Atvinnulíf „Ekki mistök“ að brauð með engu kostaði tvö þúsund krónur Neytendur Fleiri fréttir Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Búast við tveggja milljarða tapi Samruninn muni taka langan tíma Orri til liðs við Íslandsbanka Tæpur milljarður í höfundarréttartekjur Erlendir farþegar á bak við 81 prósent tekna Icelandair Auður leiðir nýja samsteypu á íslenskum markaði Virði Icelandair hrapar eftir uppgjör „Við erum alls ekki í nokkru stríði“ Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun Sjá meira
Plötuðu erlent fyrirtæki til að greiða sér tugi milljóna: Annar sagður hrokafullur en hinn sýndi iðrun