Mikil eftirspurn þrýstir á áframhaldandi framleiðslu Defender

Jaguar Land Rover keppist nú við að framleiða uppí sívaxandi pantanir á hinum fornfræga Land Rover Defender, en meiningin var að hætta framleiðslu hans í enda þessa árs.

Land Rover nær ekki að framleiða uppí þær pantanir sem þegar hafa borist í bílinn á þessu ári og því mun framleiðslan standa út janúar og ef til vill febrúar líka á næsta ári.

Á síðasta ári seldi Land Rover 17.781 bíla en á fyrri helmingi þessa árs er salan orðin 11.511 bílar og hefur vaxið um heil 40% í Evrópu og 25% í heimalandinu Bretlandi.

Arftaki Defender jeppans kemur ekki fyrr en árið 2018 og því verður engu að síður langt framleiðslubil á þessum sterka torfærubíl. Svo gæti farið að hann verði framleiddur í Slóvakíu þar sem framleiðslukostnaður er mun lægri en í Solihull í Bretlandi og hafa áætlanir Land Rover verið gagnrýndar í Bretlandi.