112 sentimetra stórlax úr Vatnsdalsá

Vatnsdalsá hefur í gegnum tíðina verið þekkt fyrir að gefa rígvæna hænga þegar líður á sumarið.

Það er engin breyting Þar á þessu sumri en stærsti laxinn sem vitað er um hingað til kom þar á land í gær og vó ferlíkið 13.5 kíló í háfnum sem teygir hann hátt í 30 ensk pund. Laxinn sem var hængur var mældur 112 sm. Þetta er svo vitað sé til langstærsti laxinn í sumar en nokkrir yfir meterinn eru þó komnir á land úr nokkrum ánum. Veiðimaðurinn er Sturla Birgisson og veiðistaðurinn Hnausastrengur en sá staður hefur í gegnum tíðina verið þekktur sem einn besti stórlaxastaður landsins.

Veiðin í Vatnsdalsá hefur verið ágæt í sumar en fór þó hægt af stað vegna kulda og vatnsmagns en það hefur þó fallið til betri vegar síðustu daga. Heildarveiðin í ánni það sem ef er sumri var 590 laxar á miðvikudaginn í síðstu viku og hefur dagsveiðin síðan verið góð. Í fyrra skilaði áin 765 löxum á þurrt og það er nokkuð klárt mál að áin á eftir að fara vel yfir þá tölu enda er nóg eftir af veiðitímanum og ennþá lax að ganga.