Lucky Blue á forsíðu CR Fashion Book

Í fyrsta sinn verður CR Fashion book, tískutímarit Carine Roitfeld, gefið út með áherslu á karlmenn. Roitfeld stofnaði tímaritið 2012, sem kemur út tvisvar á ári, eftir að hún lét af störfum sem ritstjóri franska Vogue.

Fyrstu forsíðuna prýðir enginn annar enn eitt vinsælasta karlmódel heims um þessar mundir, hinn sextán ára gamli Lucky Blue Smith.

Hann var uppgötvaður tólf ára gamall og hefur síðan þá setið fyrir í auglýsingum og gengið tískupallana fyrir Tom Ford, Fendi, Jeremy Scott, Etro og Bottega Veneta og setið fyrir á forsíðum L’Officiel Hommes og Harper’s Bazaar.

Hann hefur vakið sérstaka athygli eftir að hann aflitaði hárið á sér, en það gerði hann til þess að gera ímynd sína harðari og meira töff.

 

good morning / I slept on my lips weird now they are a bit big

A photo posted by Lucky Blue (@luckybsmith) on Aug 17, 2015 at 11:54am PDT

Lucky Blue Smith hefur verið kallaður Justin Bieber módelheimsins, en hann hefur skotist hratt upp á stjörnuhimininn og til að mynda er hann með meira en 1 milljón fylgjendur á Instagram síðu sinni. 

Það verður gaman að fylgjast með þessum unga upprennandi strák í framtíðinni.



Nýtt Glamour er komið í allar helstu verslanir - tryggðu þér eintak!

Fylgstu með Glamour á Instagram og á Facebook.