George Soros fjárfestir í bílasölum

Bandaríski fjárfestirinn Geaorge Soros hefur keypt hlut í þarlendri keðju bílasala sem heitir McLarty Automotive Group. McLarty bílsaölukeðja þessi var stofnuð í fyrra af Mark McLarty og Soros og hann hafa áður staðið saman í fjárfestingum.

Bílasölurnar sem heyra undir keðjuna eru flestar staðsettar í miðríkjum Bandaríkjanna. Eins og er samanstendur keðjan aðeins af 8 bílsölum sem selja alls 14 bílamerki. Þær eru flestar í Missouri.

Soros hefur sagt að hann sé tilbúinn að fjárfesta fyrir 1 milljarð Bandaríkjadala í bílsölum, eða 131 milljarða króna. Er það ef til vill til marks um góða sölu bíla í Bandaríkjunum nú um stundir og væntingar um áframhaldandi góða sölu á næstu árum í góðu efnahagsástandi landsins.

McLarty Group áætlar að selja um 20.000 nýja og notaða bíla á þessu ári. McLarty hefur rekið bílasölukeðjur í Kína, Brasilíu og Mexikó í ríflega áratug, en hann snéri aftur til Bandaríkjanna í fyrra og ætlar sér stóra hluti í bílasölu í heimalandinu. Hann á þó ennþá hluti í bílasölum þeim sem hann stofnaði í Kína, Brasilíu og Mexikó. McLarty og Soros ætla að fjárfesta saman í fleiri bílsölum í Bandaríkjunum.