BMW i3 rafmagnsbíllinn mikið notaður af lögreglu og slökkviliðum

Af öllum þeim bílum sem BMW framleiðir er i3 rafmagnsbíllinn einna ólíklegastur til að vera notaður af lögreglu og slökkviliðum, en staðreyndin er samt sú að þessi bíll er afar vinsæll á meðal þeirra.

Slíkir bílar eru notaðir af slíkum aðilum í Mílanó, London, Los Angeles og borgun Þýskalands. Svo er einn slíkur notaður sem peningaflutningabíll í Varsjá í Póllandi. Ýmsar gerðir BMW bíla hafa verið mjög vinsælir hjá lögreglu víða um heim, þó mest í heimalandinu Þýskalandi og hver man ekki eftir Derrick akandi um götur München á BMW lögreglubíl.

BMW hefur nefnilega sérhæft sig í að útvega lögregluliðum sérhannaða bíla sem henta vel til starfans og þeirra bílar eru afar vel búnir til þess. Þessu starfi hefur BMW haldið áfram með svo ólíklegan bíl sem i3 rafmagnsbílinn og þar sem borgarstjórnir víða um heim kjósa að vera umhverfisvæn og sýna gott fordæmi í umhverfismálum þá er i3 góður kostur til þess, svo fremi sem langdrægni sé ekki aðalatriðið í rekstri þeirra.