Magnað „mash-up“ af nýjustu plötu Adele

Svokallaðir stórnotendur á YouTube ættu að kannast við Sam Tsui sem er vel þekktur fyrir stórkostlegar útgáfur sínar af lögum stærstu tónlistarstjarna heimsins.

Hann réðst ekki á garðinn þar sem hann er lægstur að þessu sinni en hann tók sig til og blandaði saman hverju einasta lagi af nýjustu plötu Adele, 25, á aðeins fjórum mínútum.

Útkoman er ekkert annað en stórkostleg og nú þarf fólk ekki að hafa áhyggjur af því að velja uppáhaldslag sitt á 25, það er bara hægt að hlusta á þetta og fá þau öll beint í æð.