Fleiri miðar til að sjá Harvey

Búið er að setja fleiri miða í sölu fyrir aðdáendur ensku söngkonunnar PJ Harvey sem vilja sjá hana taka upp næstu plötu sína.

Allir miðar á viðburðinn seldust á örskammri stundu fyrir jólin og var mikil eftirspurn eftir fleiri miðum.

Harvey tilkynnti fyrir jól að hún ætlaði að taka sína níundu plötu upp fyrir opnum tjöldum.

Almenningur hefur frá því í síðustu viku getað horft á upptökurnar í 45 mínútur í senn í Somerset House í London. Upptökurnar standa yfir til 14. febrúar.