Dj flugvél og geimskip gefur út nýja plötu

Tónlistarkonan Steinunn Harðardóttir, betur þekkt sem dj flugvél og geimskip, gefur á næstunni út lagið Hjari veraldar en það verður á nýrri plötu sem kemur út á næstu vikum.

Hún gaf seinast út plötuna Glamúr í geimnum árið 2013 en nafnið á nýju plötunni er enn leyndarmál. „Eins og hin platan var geim-plata þá verður þessi neðansjávar-plata,“ segir Steinunn.

„Ég fór upp í sveit í hús þar sem er reimt til þess að taka upp plötuna, þannig að hún er drungalegri en hin.“

Það er nóg um að vera hjá tónlistarkonunni en hún er nýkomin heim af Eurosonic-hátíðinni sem haldin var í Hollandi.



Hér má sjá tónlistarmyndband við lagið Glamúr í geimnum: