Muse sendir frá sér Drones

Svo virðist sem sjöunda plata ensku hljómsveitarinnar Muse muni heita Drones.

Í myndbandsbroti sem hljómsveitin sendi frá sér á Instagram og var tekið upp í hljóðveri kemur titillinn við sögu.

Platan er væntanleg einhvern tíma á þessu ári en sú síðasta, The 2nd Law, kom út fyrir þremur árum.

„Ég hef sterka tilfinningu fyrir því að á næstu plötu munum við skera niður þá aukahluti sem við höfum gert tilraunir með á síðustu tveimur plötum. Hluti eins og elektróník og strengjahljóðfæri,“ sagði söngvarinn Matt Bellamy.

Hægt er að sjá fleiri myndir og myndskeið af upptökuferli Muse á Instagram-síðu sveitarinnar.

Um vídeo publicado por @muse em Jan 26, 2015 às 4:17 PST