Lewis er ekki að hætta: Aldur er bara tala Óskar Ófeigur Jónsson skrifar 17. apríl 2015 07:00 Darrel Lewis og félagar í Tindastól fagna hér sigrinum á Ásvöllum. Fréttablaðið/Stefán Darrel Lewis og félagar í Tindastól eru þremur sigurleikjum frá því að endurskrifa ekki aðeins sögu Tindastóls heldur einnig sögu úrslitakeppni úrvalsdeildar karla. Tindastóll hefur aldrei orðið Íslandsmeistari og nýliðar hafa aldrei unnið titilinn. „Tindastólsliðið er að spila mjög vel saman og það er engin eigingirni í þessu liði,“ segir Darrel Lewis um lykilinn að góðu gengi liðsins í vetur. „Eftir undirbúningstímabilið þá sagði ég við strákana að ef við spiluðum svona allt tímabilið þá gætum við náð langt,“ segir Darrel. „Það er mjög góð blanda í liðinu. Við erum með eldri og reyndari leikmenn eins og mig sjálfan, Darrell Flake og báða Helgana. Ég hef spilað í mörgum löndum og kem inn með það sem ég hef lært og reyni að miðla því til strákanna. Svo erum við með unga stráka sem er tilbúnir að hlusta á okkur. Það er mikilvægt. Þeir þykjast ekki vita allt, þeir hlusta fyrir alvöru og þeir eru tilbúnir að leggja mikið á sig,“ segir Darrel. Darrel Lewis hefur heldur ekki hlotið stóra titilinn og margir myndu áætla að maður á hans aldri væri búinn að missa af þeim möguleika. Darrel fagnaði 39 ára afmæli sínu um miðjan febrúar en hann er enn í hópi bestu leikmanna deildarinnar og var mjög góður í undanúrslitaeinvíginu á móti Haukum.Aldurinn er bara tala „Það pirrar mig ekki að fólk sé að velta sér upp úr því hvað ég sé gamall en það skiptir bara engu máli. Aldurinn er bara tala en þetta snýst meira um það að ég haldi mér í formi. Mér líður ekki eins og ég sé 39 ára. Ég er að berjast við þessa ungu stráka og á meðan ég get enn spilað minn leik þá hlýt ég að vera að gera eitthvað rétt,“ segir Darrel. Hann er heldur ekki að spila síðustu leiki sína á ferlinum í úrslitunum í ár. „Þetta er ekki síðasta tímabilið. Ég er búinn að ákveða það að spila eitt tímabil í viðbót en það verður þá síðasta tímabilið. Ég veit ekki hvort það verður hjá Tindastól eða hjá öðru liði. Það mun bara ráðast eftir tímabilið og nú er ég bara að hugsa um úrslitin,“ segir Darrel. Þetta er í annað skiptið sem Darrel spilar í lokaúrslitunum en hann komst þangað í fyrra skiptið með Grindavík fyrir tólf árum. Þá var Darrel 27 ára gamall en tveimur árum síðar fór hann til Evrópu þar sem hann spilaði næstu sjö árin.Friðsælt á Króknum „Ég er mjög ánægður með að hafa fengið tækifærið til að koma aftur til Íslands og þá sérstaklega að fá að spila með liði eins og Tindastól,“ segir Darrel og kann mjög vel við sig á Króknum. „Hér er friðsælt. Ég hef búið í Reykjavík og þekki það líf líka. Eftir því sem maður verður eldri því betur kann maður að meta svona rólegheit,“ segir Darrel. Stólarnir hafa unnið sex af sjö leikjum sínum í úrslitakeppninni og mæta með ferska fætur í lokaúrslitin sem hefjast á mánudagskvöldið. Hvort mótherjinn verður KR eða Njarðvík eða hvort serían byrjar í Reykjavík eða í Síkinu á Króknum kemur ekki í ljós fyrr en í kvöld þegar KR og Njarðvík mætast í DHL-höllinni í hreinum úrslitaleik um sæti í lokaúrslitunum. Darrel býst ekki við því að Tindastólsliðið horfi saman á leik KR og Njarðvíkur í kvöld. „Við höfum engan óskamótherja í úrslitin. Það er fyrir öllu að við séum komnir í úrslitin. Við munum spila okkar leik hver sem mótherji okkar verður og erum tilbúnir að mæta öllum,“ sagði Darrel. Darrel er ánægður með þjálfarann Israel Martin. „Hann leyfir okkur að tala við sig, hlustar á okkar ráð og reynir að nota þau til að bæta liðið. Hann er ekki einn af þessum þjálfurum sem fara bara sína leið. Við getum komið með athugasemdir og hann nýtir sér það. Hann gerir sér grein fyrir því að ég, Flake og Helgi höfum verið lengi í þessu,“ segir Darrel Lewis og hann er líka duglegur að hjálpa ungu strákunum. „Ég er alltaf að reyna að hjálpa þeim og ég er eins og hálfgerður kennari hér,“ segir Darrel hlæjandi.Hefur bæði unnið og tapað „Strákarnir líta upp til mín og þeir vita að ég veit hvað ég er að tala um. Ég hef bæði unnið og tapað og reynsla mín getur hjálpað þeim heilmikið og þá sérstaklega á úrslitastundum í leikjunum,“ segir Darrel en hann ætlar ekki að verða þjálfari í framtíðinni. „Ég hef ekki þolinmæðina í það,“ segir Darrel. Hann kvartar ekki undan þreytu eftir sjö fyrstu leikina í úrslitakeppninni. „Ég er ekki þreyttur. Mér líður vel og ég er mjög spenntur fyrir úrslitaeinvíginu og að sjá hversu langt við komumst,“ sagði Darrel Lewis að lokum. ooj@frettabladid.is Dominos-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Sjá meira
Darrel Lewis og félagar í Tindastól eru þremur sigurleikjum frá því að endurskrifa ekki aðeins sögu Tindastóls heldur einnig sögu úrslitakeppni úrvalsdeildar karla. Tindastóll hefur aldrei orðið Íslandsmeistari og nýliðar hafa aldrei unnið titilinn. „Tindastólsliðið er að spila mjög vel saman og það er engin eigingirni í þessu liði,“ segir Darrel Lewis um lykilinn að góðu gengi liðsins í vetur. „Eftir undirbúningstímabilið þá sagði ég við strákana að ef við spiluðum svona allt tímabilið þá gætum við náð langt,“ segir Darrel. „Það er mjög góð blanda í liðinu. Við erum með eldri og reyndari leikmenn eins og mig sjálfan, Darrell Flake og báða Helgana. Ég hef spilað í mörgum löndum og kem inn með það sem ég hef lært og reyni að miðla því til strákanna. Svo erum við með unga stráka sem er tilbúnir að hlusta á okkur. Það er mikilvægt. Þeir þykjast ekki vita allt, þeir hlusta fyrir alvöru og þeir eru tilbúnir að leggja mikið á sig,“ segir Darrel. Darrel Lewis hefur heldur ekki hlotið stóra titilinn og margir myndu áætla að maður á hans aldri væri búinn að missa af þeim möguleika. Darrel fagnaði 39 ára afmæli sínu um miðjan febrúar en hann er enn í hópi bestu leikmanna deildarinnar og var mjög góður í undanúrslitaeinvíginu á móti Haukum.Aldurinn er bara tala „Það pirrar mig ekki að fólk sé að velta sér upp úr því hvað ég sé gamall en það skiptir bara engu máli. Aldurinn er bara tala en þetta snýst meira um það að ég haldi mér í formi. Mér líður ekki eins og ég sé 39 ára. Ég er að berjast við þessa ungu stráka og á meðan ég get enn spilað minn leik þá hlýt ég að vera að gera eitthvað rétt,“ segir Darrel. Hann er heldur ekki að spila síðustu leiki sína á ferlinum í úrslitunum í ár. „Þetta er ekki síðasta tímabilið. Ég er búinn að ákveða það að spila eitt tímabil í viðbót en það verður þá síðasta tímabilið. Ég veit ekki hvort það verður hjá Tindastól eða hjá öðru liði. Það mun bara ráðast eftir tímabilið og nú er ég bara að hugsa um úrslitin,“ segir Darrel. Þetta er í annað skiptið sem Darrel spilar í lokaúrslitunum en hann komst þangað í fyrra skiptið með Grindavík fyrir tólf árum. Þá var Darrel 27 ára gamall en tveimur árum síðar fór hann til Evrópu þar sem hann spilaði næstu sjö árin.Friðsælt á Króknum „Ég er mjög ánægður með að hafa fengið tækifærið til að koma aftur til Íslands og þá sérstaklega að fá að spila með liði eins og Tindastól,“ segir Darrel og kann mjög vel við sig á Króknum. „Hér er friðsælt. Ég hef búið í Reykjavík og þekki það líf líka. Eftir því sem maður verður eldri því betur kann maður að meta svona rólegheit,“ segir Darrel. Stólarnir hafa unnið sex af sjö leikjum sínum í úrslitakeppninni og mæta með ferska fætur í lokaúrslitin sem hefjast á mánudagskvöldið. Hvort mótherjinn verður KR eða Njarðvík eða hvort serían byrjar í Reykjavík eða í Síkinu á Króknum kemur ekki í ljós fyrr en í kvöld þegar KR og Njarðvík mætast í DHL-höllinni í hreinum úrslitaleik um sæti í lokaúrslitunum. Darrel býst ekki við því að Tindastólsliðið horfi saman á leik KR og Njarðvíkur í kvöld. „Við höfum engan óskamótherja í úrslitin. Það er fyrir öllu að við séum komnir í úrslitin. Við munum spila okkar leik hver sem mótherji okkar verður og erum tilbúnir að mæta öllum,“ sagði Darrel. Darrel er ánægður með þjálfarann Israel Martin. „Hann leyfir okkur að tala við sig, hlustar á okkar ráð og reynir að nota þau til að bæta liðið. Hann er ekki einn af þessum þjálfurum sem fara bara sína leið. Við getum komið með athugasemdir og hann nýtir sér það. Hann gerir sér grein fyrir því að ég, Flake og Helgi höfum verið lengi í þessu,“ segir Darrel Lewis og hann er líka duglegur að hjálpa ungu strákunum. „Ég er alltaf að reyna að hjálpa þeim og ég er eins og hálfgerður kennari hér,“ segir Darrel hlæjandi.Hefur bæði unnið og tapað „Strákarnir líta upp til mín og þeir vita að ég veit hvað ég er að tala um. Ég hef bæði unnið og tapað og reynsla mín getur hjálpað þeim heilmikið og þá sérstaklega á úrslitastundum í leikjunum,“ segir Darrel en hann ætlar ekki að verða þjálfari í framtíðinni. „Ég hef ekki þolinmæðina í það,“ segir Darrel. Hann kvartar ekki undan þreytu eftir sjö fyrstu leikina í úrslitakeppninni. „Ég er ekki þreyttur. Mér líður vel og ég er mjög spenntur fyrir úrslitaeinvíginu og að sjá hversu langt við komumst,“ sagði Darrel Lewis að lokum. ooj@frettabladid.is
Dominos-deild karla Mest lesið Sólveig keppti ólétt og á leið í þungunarrof Sport Marlena vann Bakgarðshlaupið: „Ég hljóp bara“ Sport Fær sér ís í heita pottinum eftir tæplega 250 kílómetra hlaup Sport Haaland kastaði boltanum í hnakkann á Gabriel eftir jöfnunarmark City Fótbolti Ótrúleg og áður óséð tölfræði: Tveir Arsenal-menn áttu enga sendingu Enski boltinn Stig tekin af liði Ásdísar og félagið gæti hætt Fótbolti Keane segir Arteta að taka lyfin sín Enski boltinn BBC gefur í skyn að draumur Freys gæti ræst Enski boltinn Viðar Ari fjórbrotinn Fótbolti Sér eftir að hafa valið Val fram yfir KR Íslenski boltinn Fleiri fréttir Clark slegin í augað í frumraun Woj-fréttin hættir hjá ESPN og snýr sér að öðru Bikarnum úthýst úr Höllinni: „Svekkt en skiljum ákvörðunina“ Martin gerður að fyrirliða Alba Berlin Áhorfspartí á Íslandi vekur athygli Boban kveður NBA og fer til Tyrklands Fjöldi íslenskra kvenna sá Caitlin Clark setja stigamet „Sem samfélag erum við að vakna“ Færir sig á milli liða á Suðurlandinu Njarðvík fær tvo Valin best þriðju vikuna í röð Gamli Boston Celtics miðherjinn segir að Jordan hafi aldrei unnið nein góð lið KR fær króatískan miðherja Keyrði niður körfuboltamann sem lést Frákastadrottningin spilar ekki meira á þessari leiktíð Sá besti í Lettlandi semur við KR Barkley hneykslast á smásálarlegum konum í kringum WNBA „Það verður ný og skrýtin tilfinning“ „Markmið hjá okkur að fá til okkar uppalda KR-inga“ Þórir mættur heim í KR Curry fær meira en átta milljarða fyrir eitt tímabil „Ég gæti auðveldlega verið dauður“ Setti enn eitt metið í nótt Nýr Þórsari kynntur: „Hann kemur frá Cleveland líkt og Lebron James“ Skýtur af lengra færi en bestu NBA strákarnir Vonarstjarna ÍR til Bandaríkjanna Morris spilar með Grindavík í vetur Golden State hetjan Al Attles látin Frábærir þrír leikhlutar ekki nóg á móti Bretum Kallaði Kevin Durant veikgeðja Sjá meira