President Bongo horfinn af fésbókarsíðu GusGus flokksins

Brotthvarf Stefáns Stephensen, eða President Bongó eins og hann kallast iðulega, úr GusGus fær enn frekari byr undir báða vængi á fésbókarsíðu hópsins. Er nafn kappans hvergi sjáanlegt þegar meðlimir bandsins, Daníel Ágúst Haraldsson, Birgir Þórarinsson og Högni Egilsson, eru taldir upp.

Ekkert hefur fengist staðfest í þessum efnum, en ætla má að fésbókarsíða hljómsveitarinnar tali sínu máli í þetta skiptið.

Hefur Stefán verið meðlimur GusGus frá stofnun sveitarinnar, sem hóf ferilinn árið 1995 og fagnar því tvítugsafmælinu í ár.