Emil um föður sinn heitinn: „Ég náði honum varla áður en hann dó“

„Ég kem oft hingað í kirkjuna og fer með bænir og kveiki á kerti fyrir pabba,“ segir knattspyrnumaðurinn Emil Hallfreðsson sem var til umfjöllunar í síðasta þætti sjónvarpsþáttaraðarinnar Atvinnumennirnir okkar í umsjón Auðuns Blöndal á Stöð 2 í gærkvöldi.

Emil leikur knattspyrnu með ítalska liðinu Hellas Verona og hefur verið þar frá árinu 2010. Knattspyrnumaðurinn er nokkuð trúaður eins og kom fram í þættinum en faðir hans, Hallfreður Emilsson, lést fyrir aldur fram í september árið 2014.

„Mér finnst rosalega gott að koma hingað minnast hans,“ segir Emil en Hallfreður greindist með krabbamein í brisi og lést sjö mánuðum síðar.

Sjá einnig: Emil lét húðflúra mynd af látnum föður sínum á handlegginn

„Ég áttaði mig kannski aldrei á því hversu veikur hann var. Hann vildi ekki að ég myndi hafa áhyggjur af honum og ég náði honum varla áður en hann dó, ég kom bara til landsins rétt áður. Ég hélt aldrei að hann myndi deyja, ég trúði svo mikið að þetta myndi fara vel. Ég kom bara nokkrum klukkustundum áður en hann fór.“

Emil segir að læknarnir hafi talið að faðir hans ætti fjörutíu daga ólifaða.

„Svo breyttist það allt í einu í eina viku og síðan bara í nokkra daga. Við vorum ótrúlega nánir og vorum í raun bara bestu vinir. Ég talaði daglega við hann á „face-time“ og í raun alveg frá því að ég fór út í atvinnumennsku. Ég á honum ótrúlega mikið að þakka og hann fór alveg alla leið með mér í boltanum.“

Landsliðsmaðurinn segist hugsa til pabba sína á hverjum einasta degi.

„Oft hugsa ég til hans mörgum sinnum á dag,“ segir Emil sem lét húðflúra andlitsmynd af föður sínum á handlegginn á sér.

„Mér fannst mikilvægt að fá mér það og þetta minnir mig á hann. Ég vildi sýna honum þakklæti fyrir allt sem hann hefur gert fyrir mig í mínu lífi. Ég á honum mikið að þakka og þá fyrir það hvernig ég er í dag, í lífinu og í boltanum.“

Þátturinn í gær vakti gríðarlega athygli hér á landi og skapaðist mikil umræða um þennan magnaða knattspyrnumann á Twitter. Hér að neðan má skoða hvað Íslendingar höfðu um Emil Hallfreðsson og hans fjölskyldu að segja.

Enn með kökkinn í hálsinum eftir að hafa horft á vin minn, @EmmiHall í #atvinnumennirnirokkar2 - Emmi er með hjarta ur gulli. Takk @Auddib

— Jón Jónsson (@jonjonssonmusic) January 10, 2016

Einlægur Emil Hallfreðsson

— Magnüs Haukur (@Maggihodd) January 10, 2016

Atvinnumennirnir okkar að ná nýjum hæðum. Frábær þáttur. Emil Hallfreðsson ekkert smá heilsteyptur náungi #atvinnumennirnirokkar

— Hafthor 1423 (@1423Hafthor) January 10, 2016

Massívt respect á Emil Hallfreðsson

— Jakob Bjarnason (@jakobhelgi) January 10, 2016

Emil Hallfreðsson kóngurinn á Ítalíu #atvinnumennirnirokkar2

— Andri F. Sveinsson (@AndriSveins) January 10, 2016

Þvílíkur töffari sem Emil Hallfreðsson er!

— Viktor ingason (@Viktoringason) January 10, 2016

Bar mikla virðingu fyrir @EmmiHall fyrir þáttinn en núna for sú virðing through the roof, að minu mati ein af stærri fyrirmyndum í isl iþr

— Hörður vilhjálmsson (@Hossiaxel) January 10, 2016