Vinsælasta gallabuxnasnið ársins

Það er líklega hátt hlutfall lesenda sem hoppaði í gallabuxur í morgun. Allir eiga allavega einar en halda áfram að berjast við að finna þessar einu réttu, rétta litinn, sniðið og stærðina.

Einn stærsti kosturinn við gallabuxur er auðvitað sú staðreynd að þær passa við nánast allt (sagði einhver galla á galla?) og því hægt að klæða bæði upp og niður. 

Heitasta sniðið í ár eru ökklasíðar gallabuxur sem eru með beinu eða útvíðu sniði, háar í mittið og í hinum klassíska millibláa lit. 

Í janúarblaði Glamour má finna ítarlega umfjöllun um þennan góða grunn sem er lykillinn að góðum fataskáp, þar leika gallabuxur stórt hlutverk - við mælum með að grípa sér eintak, lesa og læra. 

Glamour tók hér saman nokkrar fagrar gallabuxur frá götutískunni. Þetta snið er komið á óskalistann okkar.