Opið hús hjá SVFR annað kvöld

Stangaveiðifélag Reykjavíkur er með Opið Hús á morgun, föstudaginn 5 febrúar, í húsakynnum SVFR á Rafsstöðvarvegi 14 og að venju er dagskráin fræðandi.

Húsið opnar kl 20:00, allir eru velkomnir og aðgangur er ókeypis.

Dagskrá kvöldins er svohljóðandi:

20:17, Þorgils Helgason fer yfir veiðistaði Haukadalsár

20:56, Ólafur Finnbogason fer yfir sína fimm uppáhalds veiðistaði.

21:20, Skemmtinefndin verður með skemmtilega myndagetraun.

21:45, Snögg og laggóð yfirferð yfir Þverá við Haukadalsá í máli og myndum.

Nú þegar það eru ekki nema tæpir tveir mánuðir í að veiðin byrji er gaman að hitta veiðifélaga og spá í komandi sumar. Umsóknir um veiðileyfi á ársvæðum félagsins eru 80% fleiri heldur en þær viru fyrir sumarið 2016 sem hlýtur að gefa eindreygnar vísbendingar um að veiðimenn séu bjartsýnir fyrir komandi sumar. Þegar úthlutun veiðileyfa er lokið opnar almenn sala á leyfum en það er víst nokkuð ljóst að bestu bitarnir verða þá líklega þegar farnir.