BMW Z5 á leiðinni

BMW framleiddi sportbílana BMW Z3 á árunum 1999 til 2002 og BMW Z4 á árunum 2044 til 2008 en síðan hefur ekki frést af arftaka þeirra. Það breyttist þó fyrir nokkrum dögum þar sem sást til bíls sem greinilega er arftaki þeirra og fær víst stafina Z5.

Þessi nýi BMW Z5 á að koma á göturnar árið 2018 en prufur á frumgerð hans eru þó þegar hafnar. Hann mun fást með nokkrum vélargerðum, en 2,0 lítra bensínvél býðst í þremur útfærslum, 190, 245 og 270 hestöfl. Þá mun hann einnig bjóðast með 6 strokka vélina sem finna má í M3 og M4 bílunum, en hún er 425 hestöfl og þannig vopnaður ætti þessi litli bíll að vera ári snarpur. Sá bíll fær stafina Z5M.

Þessum nýja bíl verður att gegn Porsche Boxter/Cayman. Kannski það merkilegasta við þennan bíl er það að undirvagn hans er samstarfsverkefni BMW og Toyota, en Toyota ætlar að nota hann fyrir nýjan fjórhjóladrifinn sportbíl í hybrid-útfærslu. BMW Z5 verður aðeins stærri en forverinn Z4 og vegur um 1,5 tonn.