Stórkostlegt myndband frá Vök sem sýnir íslenska náttúru í allri sinni dýrð

Hljómsveitin Vök frumsýnir í dag nýtt myndband við lagið Waiting sem verður á væntanlegri breiðskífu sveitarinnar. Myndið sýnir glæsilega náttúru Íslands og er leikstýrt af Glashier. 

Sveitin er búin að vera á tónleikaferð meira og minna í tvo mánuði en nú eru þau á loka sprettinum.

„Það var töfrandi að fá að vera þessa þrjá daga bara í náttúrunni með þessum snilldar hóp sem við fengum til liðs við okkur. Maður sá umhverfið frá allt öðru sjónarhorni og auðvitað féll maður aðeins meir fyrir Íslandi,“ segir Margrét Rán Magnúsdóttir sem er einn af meðlimum sveitarinnar en myndbandið má sjá hér að neðan.