Nicolas Ghesquiére á förum frá Louis Vuitton?

Nicolas Ghesquiére tók við sem yfirhönnuður af Marc Jacobs hjá Louis Vuitton fyrir næstum því þremur árum. Nú hefur hann líst yfir áhuga fyrir því að stofna sitt eigið merki. Þrátt fyrir að hann hafi ekki sagt hvenær hann ætli sér að gera það þá sagði hann að það yrði bráðlega. 

Ef hann hættir hjá Louis Vuitton á þessu ári verður hann einn af fjölmörgum hönnuðum sem hætta hjá stóru evrópsku tískuhúsunum eftir þrjú ár. Raf Simons, Alexander Wang, Danielle Sherman og Hedi Slimane hættu öll hjá tískuhúsum eins og Dior, Saint Laurent og Balenciaga eftir aðeins þrjú ár sem yfirhönnuðir. 

Það yrði eflaust mikill missir fyrir Louis Vuitton ef að Nicolas ákveður að hætta þar sem hann hefur blásið nýju lífi merkið eftir að hann tók við með líflegum og skemmtilegri hönnun og glæsilegum tískusýningum sem að helstu stjörnur Hollywood berjast um að fá sæti á.