Cara Delevingne ýtir undir orðróm um trúlofun

Ritstjórn skrifar 27. júlí 2016 17:00

Cara og St. Vincent eru einstaklega glæsilegt par sem er vonandi á leiðinni að altarinu á næstunni. Mynd/Getty

Sögusagnir þess efnis að Cara Delevigne væri trúlofuð söngkonunni St. Vincent hafa verið á sveimi frá því í febrúar á þessu ári. Þá sást til Cara biðja kærustu sinnar í Eiffel turninum í París. Samkvæmt vitnum skellti hún sér á skeljarnar á efstu hæð turnsins eins og þykir afar klassískt og rómantískt að gera.

Í fyrradag birti leikarinn Jared Leto, sem fer með aðalhlutverkið í kvikmyndinni Suicide Squat ásamt Cara, mynd af henni þar sem stór demantshringur á baugfingri sást greinilega. Nú vilja fjölmiðlar vestanhafs meina að það sé endanlega staðfest að Cara og St. Vincent séu trúlofaðar.

Ef að sögusagnirnar eru sannar þá er það ekkert annað en góðs viti og þá er hægt að bíða spenntur eftir brúðkaupinu, sem verður án efa hið glæsilegasta.