Dan Bilzerian með rosalegt myndband frá Íslands- og Evrópureisu sinni

Glaumgosinn, pókerspilarinn og nautnaseggurinn Dan Bilzerian var hér á landi fyrr í sumar og greindi Lífið ítarlega frá dvöl hans á Íslandi.

Bilzerian ferðaðist víða um landið og fór í raun útum alla Evrópu. Bilzerian  skellti sér upp á Langjökul í snjósleðaferð og í Bláa Lónið hér á landi, ásamt því að gera margt fleira.

Bilzerian er 36 ára Bandaríkjamaður en af armenskum ættum. Hann er einna þekktastur fyrir Instagram reikning sinn en hann er í 44. sæti yfir þá sem eru með flesta fylgjendur forritsins. Þar deilir hann myndum af háfleygum lífstíl sínum.

Kappinn hefur nú deilt myndbandi sem sýnir ferðalagið hans í miklum glansstíl en myndbandið má sjá hér að neðan.