Frumlegur reynsluakstur

Konan sem reynsluók þessum Mercedes Benz jeppa fékk að reyna öryggisbúnað bílsins þó það hafi ef til vill ekki staðið til í upphafi. Gerðist það við lítinn fögnuð bílasölunnar þar sem bíllinn var fenginn. Þessi fremur óvenjulega bílalagning átti sér stað í Arlington í Virginíu ríki Bandaríkjanna um daginn.

Það var ekki nóg með það að konan sem fékk bílinn lánaðan til að prófa hann hafi stórskemmt bílinn, heldur tókst henni að aka á fjóra aðra bíla í leiðinni og skemma þá talsvert líka. Talið er að konan hafi ruglast á bensíngjöfinni og bremsunni.

Hún var með þrjá fjölskyldumeðlimi í bílnum í prufuakstrinum, auk eigenda bílasölunnar, en ekkert þeirra sakaði að ráði við óhappið. Fáir hafa lagt nýjum bilum þessarar bílasölu á hliðinni, en hún verður ekki sökuð um skort á frumleika hinni ágætu konu sem þetta afrekaði.