Kendall og Gigi klífa upp Forbes listann

Þegar það kemur að launaháum fyrirsætum þá hefur Gisele Bündchen trónað á toppnum síðastliðin 14 ár. Enginn munur er þar á í ár en það stefnir allt í að ofurfyrirsætan og raunveruleikastjarnan Kendall Jenner nái henni á Forbes listanum yfir launahæstu fyrirsæturnar.

Kendall stökk úr sextánda sæti í það þriðja á einu ári vegna samninga hennar við snyrtivörufyrirtækið Estée Lauder og tískurisann Calvin Klein. Í fyrra var hún með 4 milljónir dollara eða 464 milljónir króna í árslaun en í hækkaði upp í 10 milljónir dollara í ár sem jafngildir rúmum milljarði íslenskra króna.

Gigi Hadid komst á lista Forbes í fyrsta skipti í ár og fór beint í fimmta sætið með 9 milljónir dollar en hún landaði samningum við Tommy Hilfiger og Maybelline á árinu.