Veiði

120 sm lax á land af Nessvæðinu í Laxá

Karl Lúðvíksson skrifar
Eðvarð með 120 laxinn sem veiddist á Nessvæðinu í Laxá
Eðvarð með 120 laxinn sem veiddist á Nessvæðinu í Laxá
Stórlaxafréttirnar úr Laxá í Aðaldal eru orðnar æði margar á þessu sumri en það er óliklegt að einhver þeirra toppi þessa.

Í gær kom á land lax sem er sá stærsti sem landað hefur verið í allt sumar á landinu öllu og það verður að teljast ótrúlegt ef það er hægt að toppa þetta.  Laxinn mældist 120 sm langur sem samkvæmt kvarða setur hann líklega í 16-17 kíló eða um og yfir 35 til 36 pund.  Það var Eðvarð Franklín Benediktsson sem veiddi laxinn á veiðistaðnum Óseyri en við höfum því miður ekki upplýsingar um hvaða flugu hann tók.  Þetta hefur verið ótrúlegt stórlaxasumar í Laxá í Aðaldal og á öllum svæðum hafa stórir laxar verið að taka flugur veiðimanna næstum því daglega og suma dagana hefur nokkrum 20 punda og stærri verið landað.  Það á ennþá eftir að veiða í tæpar þrjár vikur svo það á líklega ennþá eftir að bætast í veiðibókina og meðlimum 20 punda klúbbsins á Nesi á líklega eftir að fjölga eitthvað frekar.

Mest lesið




×

Mest lesið