Bestu tískumóment Söruh Jessicu Parker

Bandaríska leikkonan og tískudrottningin Sarah Jessica Parker prýðir forsíðu nýjasta tölublaðs Glamour. Parker er þekktust fyrir hlutverk sitt í sjónvarpsþættinum Sex and the City og varð tískufyrirmynd margra sem fylgdust með henni á skjánum. Allir aðdáendur hennar geta tekið gleði sína á ný vegna þess að hún snýr aftur á skjáinn í haust í nýju þáttaröðinni Divorce, sem er framleidd af HBO, en þeir verða frumsýndir hér á landi þann 12.október næstkomandi. 

Við tókum saman nokkur af bestu tískumómentum forsíðufyrirsætu Glamour - hún er ein af þeim fáu sem getur látið hvað sem er líta vel út.