"Ég ætla ekki að missa af tækifærinu aftur“

Victoria Beckham prýðir forsíðu breska Vogue fyrir októbermánuð. Þar talar hún innilega um sína fjölskyldu haga og starfsferilinn. 

Þrátt fyrir að það hafi verið mikið að gera hjá henni seinustu ár þá segir hún mikilvægt að sinna öllum börnunum sínum og það geri reynst erfitt, sérstaklega þar sem börnin eru á víðu aldursbili. Það elsta er 17 ára en yngsta 5 ára. 

„Ég vaki lengur á kvöldin til þess að eyða tíma með Brooklyn sem fer seint að sofa. Svo þarf ég að vakna snemma til þess að sinna Harper sem fer á fætur fyrir allar aldir. Svo inni á milli eru hin börnin, David og vinnan.“

Hvað varðar starfsferilinn segir hún að það sé töluvert auðveldara að ná frama heldur en að viðhalda honum. Reynslan frá því að vera í Spice Girls hafi kennt henni margt eins og að allt getur horfið á einu augnabliki. Þess vegna ætlar hún að nýta þetta tækifæri sem hún hefur búið sér til og vinna að merkinu sínu eins mikið og hún getur. Hún ætlar ekki að missa af tækifærinu aftur.