Kendall Jenner hætt á Instagram

Af einhverjum einkennilegum ástæðum hefur Instagram síðu fyrirsætunnar Kendall Jenner verið eytt. Ekki er vitað nákvæmlega af hverju eða hvort það var hún sjálf eða Instagram sem gerði það. Kendall var með tugi milljóna fylgjendur svo að þetta eru leiðinlegar fréttir fyrir aðdáendur hennar. 

Jenner er dugleg að pósta fallegum myndum og sýna frá lífi sínu. Upp á síðkastið hefur hún verið að deila myndum sem hvetur fólk til þess að kjósa, myndum af sér og vinkonum sínum og sýna frá ýmsum verkefnum. Í september sætti hún mikillar gagnrýni fyrir að sitja fyrir sem ballerína án þess að hafa æft sig sérstaklega fyrir það, en ólíklegt þykir að sú gagnrýni sé ástæðan fyrir því að hún sé hætt.