Framleiðsla Chanel No.5 í hættu

Franska tískuhúsið Chanel hefur harðlega gagnrýnt áætlanir um byggingu á nýrri hraðlest sem á að fara frá Marseille til Nice. Hraðlestin á að fara í gegnum Grasse akra þar sem ræktaðar eru rósir og jasmínur sem notaðar eru í Chanel No.5 ilmvatnið. Um tólf rósir og 1.000 jasmínur eru notaðar í 30 millilítra af Chanel No.5. 

Ef það verður að byggingu brautarteinana í nálægð við ræktunina hótar Chanel að þau muni loka fyrir framleiðsluna. 

Þetta er ekki í fyrsta skiptið sem að Chanel hótar slíkum aðgerðum en fyrir nokkrum árum ætlaði tískuhúsið að grípa til aðgerða þegar það átti að opna ruslahauga í grennd við ekrurnar. Ekkert varð að þeim áformum og í staðin stækkuðu Grasse akrarnir við sig. 

Chanel No.5 er án efa þekktasta ilmvatn heims. Það var búið til árið 1921 af Coco Chanel sjálfri og hefur frá þeim tíma verið eitt helsta kennileiti tískuhússins. Blómin sem notuð eru í framleiðslu ilmvatnsins eru einnig notuð við gerð fleiri ilma frá merkinu eins og Coco, No.5 L'eau og No.5 Eau Premiere.