Sænska verslunin Weekday stekkur á SKAM æðið

Það virðist sem að annar hver Íslendingur sé að horfa eða er búinn að horfa á norsku unglingaþættina SKAM. Þættirnir eru svo vinsælir að nú er stefnan að endurgera þættina fyrir amerískan markað. Sænska tískuverslunin Weekday sem flestir Íslendingar ættu að kannast við hefur ákveðið að nýta sér þessar vinsældir og sett á sölu tvo boli sem eru innblásnir af þáttunum. 

Bolirnir eru þó aðeins til sölu í völdum Weekday búðum og verða aðeins í boði út næstu viku. Afar leiðinlegar fréttir fyrir Íslendinga sem mundu líklegast gefa annan handlegginn fyrir sitt eigið eintak. Einn bolurinn er áletraður „Halla boys!!!“ og á hinum stendur „You fuck'n drittsekk“. 

Nú er bara að vona að salan á bolunum gangi svo vel að þeir lendi aftur í búðum í stærra upplagi og þá vonandi hægt að panta hingað til landsins.