Hvaða bílamerki eru mest Googluð? Finnur Thorlacius skrifar 31. janúar 2017 13:02 Afar forvitnilegt er að rýna í þetta kort og sjá hvaða bílamerki eru vinsælust í hverju landi. Google heldur utan um margskonar áhugaverðar upplýsingar sem safnast upp er íbúar þessa heims nýta sér leitarvél þeirra. Meðal slíkra upplýsinga er greining á því af hvaða bílaframleiðanda mest er leitað af í hverju landi. Upplýsingar um það fyrir árið í fyrra hafa verið birtar af Google og er þar forvitnilegt í að rýna. Fyrir það fyrsta má eðlilegt telja að mest sé leitað að Toyota á Íslandi, en Toyota er með lang mesta markaðshlutdeild allra bíltegunda hér á landi. Það sama á reyndar einnig við í bílalandinu Bandaríkjunum, en þarlendir leita einnig mest af upplýsingum um Toyota. Það er hinsvegar Honda í Kanada, enda stendur Honda merkið þar traustum fótum. Honda er einnig á toppnum í Brasilíu, en Chevrolet í Argentínu, en Toyota í Venezuela og Bólivíu. Í Evrópu er BMW merkið greinilega mjög sterkt og efst á blaði í fjölmörgum löndum, svo sem Bretlandi, Þýskalandi, Noregi, Hollandi, Belgíu og Póllandi. Volkswagen er greinilega í öðru sæti í álfunni, en önnur merki ná vart á blað nema í einu landi fyrir sig. Toyota merkið á greinilega mest uppá pallborðið í Afríku og er á toppnum í ríflega helmingi landa álfunnar. Það má einnig segja þegar litið er á heiminn allan, þar hefur Toyota greinilega vinninginn. Þó svo að Volkswagen bílafjölskyldan sé orðin stærsti bílaframleiðandi heims þá dreifist salan og athyglin þar á bæ á svo mörg merki, svo sem Audi, Porsche, Skoda, Seat, Bugatti, Lamborghini og fleiri merki, auk Volkswagen merkisins sjálfs. Toyota hinsvegar samanstendur aðeins af Lexus, Hino vinnubílum og svo Toyota sjálfu. Athygli vekur að Hyundai er efst á blaði í Rússlandi, Indlandi, Írlandi, Austurríki og Ungverjalandi, sem og í nokkrum öðrum löndum annarra heimsálfa. Mercedes Benz er á toppnum í einum 5 Afríkulöndum, sem og í Finnlandi. Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Logandi bíll á hvolfi í Kópavogi Innlent Baðst afsökunar á miður fallegum orðum í garð annarra verjenda Innlent Ákærður fyrir að nauðga barni frá því að það var tveggja ára Innlent „Honum var kastað til hliðar eins og hverju öðru drasli“ Innlent Samfélagið í molum eftir fráfall ungrar konu: „Við erum enn þá í áfalli“ Innlent „Enginn engill“ en heldur ekki morðingi Innlent Hildur segir af sér til að forðast átök Innlent Verjandi Lúkasar: „Þetta er bissness, þetta er viðskiptahugmynd“ Innlent
Google heldur utan um margskonar áhugaverðar upplýsingar sem safnast upp er íbúar þessa heims nýta sér leitarvél þeirra. Meðal slíkra upplýsinga er greining á því af hvaða bílaframleiðanda mest er leitað af í hverju landi. Upplýsingar um það fyrir árið í fyrra hafa verið birtar af Google og er þar forvitnilegt í að rýna. Fyrir það fyrsta má eðlilegt telja að mest sé leitað að Toyota á Íslandi, en Toyota er með lang mesta markaðshlutdeild allra bíltegunda hér á landi. Það sama á reyndar einnig við í bílalandinu Bandaríkjunum, en þarlendir leita einnig mest af upplýsingum um Toyota. Það er hinsvegar Honda í Kanada, enda stendur Honda merkið þar traustum fótum. Honda er einnig á toppnum í Brasilíu, en Chevrolet í Argentínu, en Toyota í Venezuela og Bólivíu. Í Evrópu er BMW merkið greinilega mjög sterkt og efst á blaði í fjölmörgum löndum, svo sem Bretlandi, Þýskalandi, Noregi, Hollandi, Belgíu og Póllandi. Volkswagen er greinilega í öðru sæti í álfunni, en önnur merki ná vart á blað nema í einu landi fyrir sig. Toyota merkið á greinilega mest uppá pallborðið í Afríku og er á toppnum í ríflega helmingi landa álfunnar. Það má einnig segja þegar litið er á heiminn allan, þar hefur Toyota greinilega vinninginn. Þó svo að Volkswagen bílafjölskyldan sé orðin stærsti bílaframleiðandi heims þá dreifist salan og athyglin þar á bæ á svo mörg merki, svo sem Audi, Porsche, Skoda, Seat, Bugatti, Lamborghini og fleiri merki, auk Volkswagen merkisins sjálfs. Toyota hinsvegar samanstendur aðeins af Lexus, Hino vinnubílum og svo Toyota sjálfu. Athygli vekur að Hyundai er efst á blaði í Rússlandi, Indlandi, Írlandi, Austurríki og Ungverjalandi, sem og í nokkrum öðrum löndum annarra heimsálfa. Mercedes Benz er á toppnum í einum 5 Afríkulöndum, sem og í Finnlandi.
Mest lesið „Síðasta sem hann vildi var að það yrði til nýr Stefán Blackburn” Innlent Saknaði þess að fá ekki einu sinni tölvupóst eftir fjörutíu ára starf Innlent Logandi bíll á hvolfi í Kópavogi Innlent Baðst afsökunar á miður fallegum orðum í garð annarra verjenda Innlent Ákærður fyrir að nauðga barni frá því að það var tveggja ára Innlent „Honum var kastað til hliðar eins og hverju öðru drasli“ Innlent Samfélagið í molum eftir fráfall ungrar konu: „Við erum enn þá í áfalli“ Innlent „Enginn engill“ en heldur ekki morðingi Innlent Hildur segir af sér til að forðast átök Innlent Verjandi Lúkasar: „Þetta er bissness, þetta er viðskiptahugmynd“ Innlent