Aron Can flutti ofursmellinn í beinni

Ungstirnið Aron Can kom, sá og sigraði árið 2016. Þrátt fyrir ungan aldur lagði hann tónlistarheiminn að fótum sér, spilaði á fleiri framhaldsskólaböllum en nokkur annar og sendi frá sér hvern ofursmellinn á fætur öðrum.

Þeirra á meðal er lagið Enginn mórall sem skaut honum rakleitt upp á stjörnuhimininn í maí á síðasta ári. Það hefur nú verið spilað mörg hundruð þúsund sinnum, jafnt á útvarpsstöðvum sem á streymisveitum og er af mörgum talið vera lag síðasta árs.

Þeir Kronik-bræður, Róbert Aron Magnússon og Benedikt Freyr Jónsson, eru í hópi þeirra sem heilluðust af laginu og útnefndu það besta lag ársins 2016.

Sjá einnig: Árslisti útvarpsþáttarins Kronik

Það var því við hæfi að Aron Can mætti í hljóðverið til þeirra Robba Kronik og Benna B-Ruff og flytti það í beinni útsendingu.

Það má sjá hér að neðan.