Fyrstu listamennirnir á Airwaves kynntir: Emilíana Torrini á meðal flytjenda

Emilíana Torrini kemur fram ásamt hljómsveitinni The Colorist á tónlistarhátíðinni Iceland Airwaves sem fer fram 1. - 5. nóvember í haust. 

Iceland Airwaves tilkynnti í dag fyrstu listamennina sem koma fram á hátíðinni í ár.  Meðal þeirra sem munu koma fram eru Ásgeir, Emilíana Torrini and The Colorist, Benjamin Clementine, Arab Strap, Emmsjé Gauti, Glowie ofl. Sjá allan listann að neðan. Iceland Airwaves tónlistarhátíðin verður haldin í 19. skipti.

Miðasala hefst í dag 1. febrúar kl. 12 á tix.is. Hægt verður að kaupa miða á sérstöku Earlybird verði en um takmarkað slíkra miða verður í boði.  

Listamenn tilkynntir í dag:

Arab Strap (SCO) Ásgeir  Auður Be Charlotte (SCO) Soffía Björg  Benjamin Clementine (UK) Emmsje Gauti  GKR  Glowie  Gurr (DE) Hatari  Hugar  Daniel OG (UK) Kelly Lee Owens (UK) RuGl  Emiliana Torrini & The Colorist (IS/BE) Xylouris White (GR/AU).

Eins og tilkynnt hefur verið mun hátíðin einnig vera haldin á Akureyri þar sem boðið verður upp á dagskrá í tvo daga og verða því enn fleiri möguleikar í boði fyrir hátíðargesti.

Eftirfarandi möguleikar eru í boði á Iceland Airwaves 2017: Í boði verður að kaupa þrjár gerðir af miðum: 1) Almennur miði, gildir á alla viðburði hátíðarinnar,earlybird 17.900 kr, fullt verð 21.900 kr. 2) Akureyrarmiði, gildir á alla viðburði hátíðarinnar á Akureyri, 8.900 kr. 3) Akureyri + viðbót, gildir á alla viðburði hátíðarinnar á Akureyri og í Reykjavík dagana 4. og 5. nóvember, 14.900 kr.

Af þeim listamönnum sem tilkynntir voru í dag sem einnig koma fram á Akureyri eru Ásgeir, Benjamin Clementine (UK), Emiliana Torrini and the Colorist (IS/BE), Arab Strap (SCO), Emmsjé Gauti, GKR og Xylouris White (GR/AU).  

Ásgeir mun halda sérstaka tónleika í Eldborg í Hörpu þar sem miðaafhending verður fyrir armbandshafa eftir fyrstur kemur, fyrstur fær reglunni. Það stefnir í stórt ár hjá Ásgeiri og mikil eftirvænting hefur verið eftir nýju efni en gaf hann út fyrsta lagið af væntanlegri plötu á dögunum. Hlusta má á það hér.